Tong Hián-lí hoan-e̍k.
Ū chi̍t ji̍t lâng the̍h bōe sóe lâ-sâm ê phiau hō͘ góa. Góa khòaⁿ sī teh kóng i ê io̍h ōe sóe kok hō kiaⁿ-lâng ê tiám, chin ū èng-hāu, m̄-bat sóe bōe kiâⁿ.
Tùi án-ni phah-tio̍h góa ê sim, góa chiū siūⁿ-khí iáu ū chit-hō tē-it kiaⁿ-lâng ê tiám, chiū-sī chē-kòa ê tiám. Che sī ta̍k lâng ū ê. Lâng chīn ài khàm i ê tiám hō͘ lâng bōe khòaⁿ-kìⁿ, nā-sī hit-ê tiám bōe bô·khì. Kiám-chhái ōe chiām-sî khàm-ba̍t, nā-sī kàu bé tek-khak chhut-hiān. Nā ū chhut chi̍t hō io̍h ōe sóe chē-kòa ê tiám, ta̍k lâng ài bóe.
Ū chit-hō io̍h mah? Ū·lah. Ū chōe ê lâng lâi sóe i, chōe lóng ōe bô·khì.
Chit hō io̍h kūn-kūn thang bóe mah? Sī chin kūn, put-sî thang bóe.
Sī kùi·mah? Bô, m̄-sái pòaⁿ ê chîⁿ, (Í-sài-à 55:1.)
Sím-mi̍h io̍h? Tī sím-mi̍h só͘-chāi? Sī Iâ-so͘ Ki-tok ê huih, ōe sóe-tû lóng-chóng ê chē-kòa. Bak-tio̍h chōe lí beh sóe khòaⁿ mah? Lí nā ēng i chiū chai tú-tú ha̍p lí só͘ ài ê. Siōng-tè kóng, lí ê chōe-ok koàn-boán, sek-tī tāng chhin-chhiūⁿ chhiah, chhim chhin-chhiūⁿ âng; Góa beh hō͘ i kàu chīn pe̍h chhin-chhiūⁿ mî, chhin-chhiūⁿ seh." (Í-sài-à 1:18.)
（佟顯理翻譯）
有一日儂摕𣍐洗垃儳的標[2]予我。我看是咧講伊的藥會洗各號驚儂的點，真有應效，毋捌洗𣍐行。
對按呢拍著我的心，我就想起猶有即號第一驚儂的點，就是罪過的點。這是逐儂有的。儂盡愛䀍伊的點，予儂𣍐看見，但是彼个點𣍐無去。敢彩會暫時䀍密，但是到尾的確出現。若有出一號藥會洗罪過的點，逐儂愛買。
有即號藥嘛？有啦。有罪的儂來洗伊，罪攏會無去。
即號藥近近通買嘛？是真近，不時通買。
是貴嘛？無，毋使半个錢（《以賽亞》55:1）。
甚物藥？佇甚物所在？是耶穌基督的血，會洗除攏總的罪過。毣著罪汝卜洗看嘛？汝若應伊就知拄拄合汝所愛的。上帝講，「汝的罪惡貫滿，色緻重親像赤，深親像紅；我卜予伊到盡白親像棉，親像雪」（《以賽亞》1:18）。