Choân-chiu Tīⁿ Chi-kiâu sian-siⁿ, i sī kòng-seng, ū lâi Kó͘-lōng-sū kà tōa-o̍h tiong-o̍h. Kū-nî tò-khì Choân-chiu seng-khu phòa-pīⁿ, kin-nî bô lâi kà. I tī kin-nî jī-ge̍h saⁿ-cha̍p·ji̍t niá sóe-lé, kàu chí saⁿ-ge̍h chhoe ū lī-khui sè-kan.
Koh, Lí Kì-chè Bo̍k-su-niû tī saⁿ-ge̍h chhoe-cha̍p·ji̍t ia̍h kè-óng.
Koh, Sin-koe-á tông-hōe Gâm-chím ia̍h lī-khui sè-kan.
―――――――○――――――――
Sin-bûn-chóa kóng, Eng-kok chi̍t-ê hó-gia̍h-lâng ū bóe Khek-se-má-nî ê hn̂g, chiū-sī lán e Kiù-chú khì kî-tó hit só͘-chāi. Hit lâng bóe i sī in-ūi m̄-ài pa̍t-lâng bóe lâi khí tōa-keng kheh-tiàm tī hit lāi-bīn hō͘ hiah-ê gōa-kok lâi khòaⁿ-khòaⁿ Iâ-lō͘-sat-léng ê lâng tiàm.
泉州鄭芝僑（音）先生，伊是貢生[1]，有來鼓浪嶼教大學、中學。舊年倒去泉州身軀破病，今年無來教。伊佇今年二月三十日領洗禮，到此三月初有離開世間。
故，李記際[2]牧師娘佇三月初十日亦過往。
故，新街仔堂會嚴嬸，亦離開世間。
――
新聞紙講，英國一个好額儂有買客西馬尼的園，就是咱救主去祈禱彼所在。彼儂買伊是因為毋愛別儂買來起大間客殿佇彼內面，予遐个外國來看看耶路撒冷的儂坫。