Cha̍p-chhit chiuⁿ.
1. Lán nā sūn Siōng-tè ê bēng-lēng khì kiâⁿ, I tek-khak beh pó-hō͘ lán. Khoàⁿ Má-thài 6:33, Í-sái-a 33:15, 16.
2. Í-sek-lia̍t peh-sìⁿ bô choân-sim oá-khò Iâ-hô-hoa, chiah bô pêng-an.
Lâng nā oá-khò lâng bô oá-khò Siōng-tè, chiū-sī chhì Siōng-tè.
Lâng ê sim ná chhin-chhiūⁿ chhùi-ta ēng sím-mi̍h oē chí khoah i ê sim-chì? Khoàⁿ Í-sài-a 55:1. Iok-hān 7:37.
6. Chio̍h-poâⁿ sī chí Ki-tok. I Ko-lîm-to 10:4.
8. Kiâⁿ thiⁿ-lō͘ ê lâng tio̍h kap tùi-te̍k kau-chiàn.
10-13. Tio̍h kiâⁿ cháiⁿ-iūⁿ lâi khah iâⁿ tùi-te̍k? I Iok-hān 5:4.
Iâ-so͘ beh hō͘ lán khah iâⁿ. Lô-má 8:37.
11. Mô͘-se koan-chiò Kiù-chú. Hi-pek-lâi 7:25. I Iok-hān 2:1-2.
Mô͘-se kia̍h chhiú chòe pîn-kù i oá-khò Siōng-tè bô oá-khò peh-sìⁿ lâi khah iâⁿ.
15. Mô͘-se khí toâⁿ lâi hiàn-chè o-ló Siōng-tè, in-ūi Iâ-hô-hoa hō͘ I ê peh-sìⁿ khah iâⁿ tùi-te̍k. Kiám-chhái ū siá-jī (Iâ-hô-hoa Nî-se---Iâ-hô-hoa chòe góa ê kî) tī toâⁿ-bīn lâi kì-liām Siōng-tè ê un, ia̍h hō͘ peh-sìⁿ oē kì-tit in khah iâⁿ m̄-sī in-ūi ka-kī ê gâu, lóng sī in-ūi Iâ-hô-hoa ê tōa koân-lêng.
Cha̍p-poeh chiuⁿ.
1-5. Siōng-tè só͘ kiâⁿ lâi hó khoán-thāi I ê peh-sìⁿ, pa̍t-lâng khoàⁿ-kìⁿ thang lâi hoaⁿ-hí ho̍k-sāi I.
8. Lâng nā bat khoàⁿ-kìⁿ Siōng-tè só͘ kiâⁿ ê hó tio̍h thoân hō͘ pa̍t-lâng thiaⁿ. Si-phian 145:4,7.
Ia̍p-lô o-ló Siōng-tè. Kàu thian-tông tit-tio̍h kiù ê lâng beh hoaⁿ-hí lâi kì-liām Siōng-tè ê tōa-un. Be̍k 5:8-10.
21, 22. Nā ài chin-lí kap kong-gī heng-ōng, só͘ kiâⁿ tio̍h chiàu chhù-sū ê hoat-tō͘, koh tāi-ke tio̍h tâng-sim hia̍p-le̍k.
Chi̍t lâng bōe oē chòe thong kàu-hōe ê kang, kàu-hōe lāi ê hiaⁿ-tī chí-bē ta̍k lâng tio̍h tàu-chān taⁿ-tàⁿ. Má-khó 13:34.
Tio̍h chīn-tiong lâi chòe Siōng-tè ê kang, he̍k-sī pān tāi-chì á-sī thoân tō-lí.
Cha̍p-káu chiuⁿ.
4-9. Siōng-tè pī-pān Mô͘-se chham peh-sìⁿ ê sim lâi siū I ê kài. Lô-má 3:1,2.
5. Siōng-tè lia̍h I ê peh-sìⁿ chòe pó-pòe, m̄-sī in-ūi pún sī pó-pòe. Sin-bēng 7:6-8.
Siōng-tè peh-sìⁿ ê pó-pòe sī sím-mi̍h? Í-se-kiat 16:14, Hui-li̍p 3:9.
Siōng-tè só͘ kéng lâi sio̍k ê peh-sìⁿ tio̍h thàn I só͘ hoan-hù·ê. Iok-hān 13:14.
8. Peh-sìⁿ só͘ ín beh·ê, in oē á bōe? Lán oē á bōe?
12. Siōng-tè thoân I ê kài hit-tia̍p tōe tín-tāng, peh-sìⁿ chin kiaⁿ. Iâ-so͘ lâi thoân Hok-im ha̍k-seng pêng-an ū hok. Lō͘-ka 2:10-13.
Lu̍t-hoat kìm lâng kūn-oá Siōng-tè, Hok-im ê chin-lí chhōa lâng chiū-kūn I. Hi-pek-lâi 10:19-22.
Tio̍h chhut-la̍t lâi sūn Siōng-tè ê chí-ì. Tong Hián-lí siá-ê.
十七章
1、咱若順上帝的命令去行，伊的確卜保護咱。看《馬太》6:33、《以賽亞》33:15, 16。
2、以色列百姓無全心倚靠耶和華，㱏無平安。
儂若倚靠儂，無倚靠上帝，就是試上帝。
儂的心若親像喙焦用甚物會止渴伊的心志？看《以賽亞》55:1、《約翰》7:37。
6、石盤是指基督。《I哥林多》10:4。
8、行天路的儂著佮對敵交戰。
10-13、著行怎樣來較贏對敵？《I約翰》5:4。
耶穌卜予咱較贏。《羅馬》8:37。
11、摩西關照救主。《希伯來》7:25、《I約翰》2:1-2。
摩西揭手做憑據伊倚靠上帝無倚靠百姓來較贏。
15、摩西起壇來獻祭呵咾上帝，因為耶和華予伊的百姓較贏對敵。敢彩有寫字（耶和華尼西——耶和華做我的旗）佇壇面來紀念上帝的恩，亦予百姓會記得𢙠較贏毋是因為家己的𠢕，攏是因為耶和華的大權能。
十八章
1-5、上帝所行來好款待伊的百姓，別儂看見通來歡喜服侍伊。
8、儂若捌看見上帝所行的好著傳予別儂聽。《詩篇》145: 4,7。
葉羅呵咾上帝。到天堂得著救的儂卜歡喜來紀念上帝的大恩。《默》5:8-10。
21, 22、若愛真理佮公義興旺，所行著照次序的法度，故大家著同心協力。
一儂𣍐會做通教會的工，教會內的兄弟姊妹逐儂著鬥贈擔擔。《馬可》13:34。
著盡忠來做上帝的工，或是辦事誌抑是傳道理。
十九章
4-9、上帝備辦摩西摻百姓的心來受伊的戒。《羅馬》3:1,2。
5、上帝掠伊的百姓做寶貝，毋是因為本是寶貝。《申命》7:6-8。
上帝百姓的寶貝是甚物？《以西結》16:14，《腓立》3:9。
上帝所揀來屬的百姓著趁伊所吩咐的。《約翰》13:14。
8、百姓所允卜的，𢙠會抑𣍐？咱會抑𣍐？
12、上帝傳伊的戒彼疊地振動，百姓真驚。耶穌來傳福音學生平安有福。《路加》2:10-13。
律法禁儂近倚上帝，福音的真理抴儂就近伊。《希伯來》10:19-22。
著出力來順上帝的旨意。佟顯理 寫的。