Lâng tú-tú chhòng chi̍t ki chhian-lí-kiàⁿ sī thong sè-kan tē-it tōa·ê. Lâng ēng ba̍k-chiu khì khòaⁿ put-kò ōe khòaⁿ-kìⁿ chha-put-to saⁿ-chheng (3000) lia̍p ê chhiⁿ nā-tiāⁿ. Lâng nā ēng chit ki chhian-lí-kiàⁿ chiū ōe khòaⁿ-kìⁿ gō͘-chheng-bān (50,000,000) ê chōe, koh lōe-tiong chōe-chōe lia̍p sī pí chit ê tōe-kiû khah tōa. Tùi án-ni chiū khah ōe hiáu-tit Tāi-pi̍t só͘ kóng·ê. "Góa teh khòaⁿ thiⁿ, chiū-sī Lí ê chńg-thâu-á só͘ chòe·ê."
Koh chiah-ê ge̍h kap chhiⁿ, chiū-sī Lí só͘ siat-li̍p·ê.
Chiū kóng, Lâng sī sím-mi̍h, hō͘ lí kì-liām i,
Lâng ê hō͘-è sī sím-mi̍h, hō͘ lí chiàu-kò͘ i?
儂拄拄創一支千里鏡是通世間第一大的。儂用目睭去看，不過會看見差不多三千（3000）粒的星但但。儂若用即支千里鏡就會看見五千萬（50,000,000）的濟，故內中濟濟粒是比即个地球較大。對按呢就較會曉得大闢所講的，「我咧看天，就是汝的指頭仔所做的。」
故遮个月佮星，就是汝所設立的。
就講，儂是甚物，予汝記念伊。
儂的後裔是甚物，予汝照顧伊？